Mótanefnd

Starfsreglur mótanefndar

1.gr. Skipun

Mótanefnd starfar samkvæmt lögum TKÍ. Mótanefnd skal vera skipaðuð a.m.k. þremur aðilum, einum úr stjórn TKÍ, og a.m.k. tveimur sem aðildarfélög TKÍ tilnefna til tveggja ára.

2.gr. Fundir

Nefndin skal koma saman þegar þurfa þykir. Nefndarformaður boðar til funda og stýrir þeim. Í lok árs skilar mótanefnd skýrslu um starf sitt til stjórnar TKÍ.

3.gr. Hlutverk og verkefni

Mótanefnd starfar náið með stjórn TKÍ.  Nefndin annast undirbúning og umsjón með mótum á vegum sambandsins.

Hlutverk:

  • Skipuleggja dagskrá og staðsetningu móta
  • Skipuleggja mönnun stöðugilda á móti
  • Útfæra boðsbréf á mót og reglur sem gilda á mótinu

4.gr. önnur störf

Mótanefnd skal annast önnur störf sem stjórn TKÍ kann að fela henni á hverjum tíma.

5.gr. Ágreiningsmál

Stjórn TKÍ sker úr öllum ágreingsatriðum sem kunna að rísa út frá reglum þessum.

6.gr. Gildistaka

Starfsreglur þessar taka þegar gildi.

Samþykkt af stjórn TKÍ 1. september  2020.