Ársþing TKÍ verður haldið þann 22. mars 2017 í Íþróttamiðstöð ÍSÍ að Engjavegi 6 í Reykjavík á milli kl 19 og 21.

Dagskrá þingsins verður skv. lögum og sem hér segir:

1. Þingsetning.
2. Kosning 1. og 2. þingforseta.
3. Kosning 1. og 2. þingritara.
4. Kosning 3 manna kjörbréfanefndar.
5. Ávörp gesta.
6. Álit kjörbréfanefndar.
7. Skýrsla stjórnar lögð fram.
8. Endurskoðaðir reikningar sambandsins lagðir fram til samþykktar.
9. Fjárhagsáætlun næsta árs lögð fram.
10. Kosning þingnefnda.
11. Þingnefndir starfa.
12. Þingnefndir gera grein fyrir störfum sínum.
13. Þjónustugjald ákveðið. Þjónustugjaldið er nefskattur, sem innheimtist af félögum/deildum miðað við skráða iðkendur árið á undan skv. starfsskýrslum ÍSÍ.
14. Tillögur um breytingar á lögum TKÍ teknar til umræðu og afgreiðslu.
15. Aðrar tillögur sem kynntar voru í fundarboði teknar til umræðu og afgreiðslu.
16. Teknar fyrir tillögur og önnur mál sem komið hafa fram á þinginu og þingmeirihluti leyfir.
17. Kosningar:
– stjórn og varastjórn, sbr. 10. grein laga TKÍ
– 1 skoðunarmaður reikninga til tveggja ára í senn. Á fyrsta þingi sambandsins sem þessi lög eru í gildi, skal þó kjósa 2 skoðunarmenn reikninga, annan til eins árs og hinn til tveggja ára.
– fastanefndir sem starfa milli taekwondoþinga.
– fulltrúa á Íþróttaþing ÍSÍ, skv. lögum ÍSÍ, á því ári sem Íþróttaþing ÍSÍ fer fram.
18. Þingslit.

Engar tillögur að lagabreytingum verða lagðar fram á þinginu og ekki verða nein önnur mál lögð fyrir þingið

Athugið að kosið verður um 2 aðalmenn í stjórn sambandsins skv. lögum sambandsins, auk þess sem kosið verður um nýjan formann til tveggja ára, þar sem núverandi formaður lætur af störfum á þinginu.

Stjórn TKÍ